الجمهورية اليوم المصرية

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
الجمهورية اليوم المصرية

الجمهورية اليوم المصرية رئيس مجلس الإدارة والتحرير محمد الصفناوي


    قرأت لك..رسالة الى أميرة

    Admin
    Admin
    Admin


    المساهمات : 3509
    تاريخ التسجيل : 17/10/2019

    قرأت لك..رسالة الى أميرة             Empty قرأت لك..رسالة الى أميرة

    مُساهمة من طرف Admin الجمعة أغسطس 14, 2020 9:09 pm

    قرأت لك
    رسالة الى أميرة
    للكاتب الساخر محمد هجرس متابعة عادل شلبى رسالة إلى أميرة بنت الإخواني التكفيري القاتل الزنديق

    ابنتى العزيزة أميرة (الأولى على الثانوية العامة) وبنت القيادى الاخوانى المسجون.. ألف مبروك تفوقك وربنا يبارك لك فى نجاحك.. وعقبال الدكتوراة.

    •اتأثرت جدا لما سمعت مداخلتك على قناة الشرق الاخوانية مع المذيع "الأهطل" محمد ناصر وانتى بتقولي "كان نفسى بابا يكون معايا ويشاركنى اللحظات دي"!

    •فعلا معاك حق.. وجود الأب فى لحظة زى دى مع بنته شىء لا يوصف ولا يعوض.. بس خلينى أحكيلك حكاية أربع أميرات فى سنك، هم كمان نجحوا النهاردة وبتفوق برضه.

    1.الأميرة الاولى: هى كمان كان نفسها أبوها يكون معاها النهاردة، وتشوف دموع فرحتة بنجاحها فى عنية؛ بس للأسف استشهد فى رفح وهو قاعد بيفطر ساعة الادان فى رمضان.. وبالمناسبة يا أميرة انتى عارفة كويس مين قتل أبوها وليه وازاي؟.

    2.الأميرة التانية: كانت بتحلم بحضن أبوها يوم نجاحها؛ بس للأسف ابوها مات سنة 2013 فى انفجار مديرية أمن الدقهلية وكان ساعتها ماشى فى حالة لابية ولا علية وراجعلها هى واخواتها بالعشا.. وطبعا يا أميرة انتى عارفة مين فجر المديرية باللى فيها، ومين كان شمتان وبيزغرط ساعتها من الفرحة.

    3.الأميرة التالتة: هى وحيدة أبوها وكانت قرة عينه بس للأسف؛ ملحقش يفرح بنجاحها النهاردة لأنه مات فى أحداث الاتحادية بعد ماولعوا فية وسحلوه ع الاسفلت.. وبالمناسبة يا أميرة انتى عارفة برضة مين عمل كدة فى أبوها ومين سحله.

    4.الأميرة الرابعة بأة: طالبة شاطرة ومتفوقة زيك؛ وطول عمرها بتحلم باليوم اللى تجيب مجموع طب وتفرح ابوها، بس للاسف جابت المجموع ومفرحتش ابوها لأنه استشهد فى مجزرة قسم كرداسة واتمثل بجثته بعد مارموا عليه مية نار؛ ومات ونفسة فى شربة مية.. وطبعا أكيد يا اميرة انتى عارفة مين عمل فى أبوها كدة ومين رمى عليه هو و11 واحد غيره مية نار .

    •إيه رأيك يا أميرة.. ما تيجى نرجع لهم ابهاتهم دول ولو ساعة زمن واحدة؛ يفرحوا فيها ببناتهم ويشاركوهم اللحظات دى؛ وبعد كدة يرجعوا وأوعدك ساعتها والدك هيرجعلك ويفرح معاك ويشاركك أحلى اللحظات..

    وأوعدك ساعتها سيادة الوزير هيتصل بيك يهنيك.. وأوعدك ساعتها اننا مش هنزعل من كلامك اللى قلتية عن رئيسنا.. وزى مانتى بتتمنى رجوع بابا وربنا ينتقم من القتلة والسفاحين بالرغم من إنك عارفة أنه تكفيري وقاتل و"عايشة على الأمل" ده؛ فيه أميرات غيرك كتير أوى بيتمنوا نفس الأمنية بس للأسف "عايشين من غير أمل".

    مبروك مرة تانية يا أميرة!قرأت لك..رسالة الى أميرة             Inbou927

      الوقت/التاريخ الآن هو الخميس مارس 28, 2024 9:25 pm