سبحات الفجر---بقلم:نورا صادق
******
صوت الاذان فى كل مكان
فى ساعه الفجر يندهنا
وقلب الكون مليان بأيمان
صحي الرجفه فى قلوبنا
تحرر فينا روح وكيان
يضيع السهو من روحنا
أيات الله تغذى الروح
وقلب القلب بيكبر
الله اكبر الله اكبر
وأشعر أنى جاني فتوح
ونفس النفس تطهر
وماء التوبه يغسلني
يشيل من نفسي أسوئها
بشئ نوراني ينشلني
لساحه الطهر بأجمالها
سبحات الفجر صلاة
شعور أثر مع كل ركعه
وكل سجدة
ورب العزه عارفنى
ساعات من الهم
اكون شاردة
والاقى شئ يطمنى
تضيع الشاردة
والاقي الضي نوراني
ويسبح فى بحور الحب
جمال لكلمه بلساني
تغذي العين تغذي القلب
وشئ يهز وجدانى
وصرخه فى روحي تقول
يارب..يارب..يارب
الله الله الله
على السبحات
بترفع روحى
بثوب النور
اعد النبض فى حبات
كتاب الله فى ايدي
سطور
واختم بيها الصلوات
وتفضل فى الخلايا
تدور
سبحات الفجر صلاة
ويجي ميعاد وبعده
ميعاد
وأنا لسه فى توب النور
وشمع فى روحي منور
كأني من بنات الحور
يارب اجعل صلاتي زاد
ولا تحرمنى أكون
فى رضاك
ياااارب
يااارب
يااارب
"****"
مناجاه
*****
نورا صادق
