بقلم الشاعرة / مني صالح > قصاقيص ورق

بقلم الشاعرة / مني صالح > قصاقيص ورق


******-********-*****
أنا وأنت رسالة حب
وجمعنا الحروف ف القلب
حروف أوجاع
وزاد جرح السنين بوداع
كلامي حزين بلا إبداع

وسنين بتفوت وقلبي ذليل
بصوت مدبوح مع ضحكة ليل
وزاد الحزن مع الأوهام
يابحر خلاص معتش في البر أمان
وحضنك قاسي لكنه يموج مع العوام
وبوزع كلام و مشاعر
والكل هنا غنا
والكل بيا شاعر
وناس كل إهتمامهم قلبي يكون حاير
وناس تقتل ضمير
وناس ماليها خير
وناس إحساسها غايب ومتعلق مع العصافير

قصاقيص ورق
وكلام هيطير
وضمير خاين هنا للبيع
حبيب خاين في لحظه يبيع
كلام أحاسيس ومشاعر خلاص بتضيع

وهتلاقي كلام وحوار
وحب واقف في إنتظار
ولهفه ماليها مرار
وناس عايشه ومش واخده قرار
قصاقيص ورق

جوايا قصيده وكلام حكايات
كأنها
قصاقيص ورق متعشقه مع الرويات
بتحكي..........حزنها
وكأنه فرحه متغرقه
ولما تتكلم معاها تحبها
وتحاول تخفي حزنها
علشان
متشوفش، ضعفها
وتصعب عليها نفسها وينزل منها دمعها

قصاقيص ورق
وكلام متقطع حتت
لو جيت في ثانيه تلمها
هتلاقي قصاقيص ورق
كل حته حكايه لوحدها

بقلم الاعلاميه /مني صالح
2022/1/25