حب الوطن إيمان

(حب الوطن إيمان )
بنحبو والله بلدنا
هي بيتنا ووطنا
رغم حالنا وتعبنا
هي سترنا وأملنا

وداري مهما كان داري
وعيبها أخبي وا أداري
وإن خرجت من داري
في يوم اتقل مقداري

وأهلي مهما كانوا أهلي
وإن ضنو على من أهلي
ف زمن صباي وف كهلي
في الأمر الصعب والسهل

عاشق أنا الأوطان
من قديم الأزمان
من خلقة الإنسان
لاجحود ولانسيان

مصر أم البلاد
وقوية الأوتاد
ولودة الأولاد
عظيمة الأعتاد

ذاكرها ربي في كتابه
وصي بيها النبي صحابه
والمسيح والبتول في ركابه
وموسي الكليم فرعون هابه

يا ما غزاها غزاه
وجالها ياما طغاه
ولكن ولادها أباه
دايما نصرها الله

غزاها زمان هكسوس
طردهم أحمس وكاموس
وقطعوا منهم روس
وصاروا عبر ودروس

ولا تنسى تاني الفرس
مضغناهم بسنة وضرس
وتعلموا منا الدرس
وعملنا عليهم عرس

وإياك تنسى المغول
فرسان عرض وطول
و ضرب قطز الطبول
وخرج لهم على طول

والفرنجة ف فلسطين
احتلوا أقصى أمين
وكانوا للسلاح حاملين
هزمهم صلاح الدين

والفرحة بيوم النصر
على اليهود ف العصر
ونهاية جنودهم أسر
خير الأجناد ف مصر

كنانة الله في الأرض
تحمي الحمى والعرض
وتسد الدين و القرض
وتقيم الدين و الفرض

بقلم (مهران الأسيوطي )